簡介潛水泵井 Introduction of Sump Pit

今日分享簡介一下潛水泵井, 正所謂有頭髮邊個想做瘌痢, 如果正常去水可以Fall到水, 就唔使用潛水泵井啦, 潛水泵井就係將排水唔可以正常Fall到去去水喉度，就用潛水泵井收集個D水, 再用潛水泵泵去可以正常Fall水的去水喉度, 我會分5 Parts講下潛水泵井的, Part A潛水泵井的種類及應用地方, Part B喉管物料及潛水泵的配置, Part C潛水泵的資料, Part D計算潛水泵井的方法, Part E接駁電源

Part A潛水泵井的種䫋                                                                                                                                                                                                           普遍有3種, 污水泵井, 廢水泵井以及雨水泵井, 首先污水泵井Sewage Sump Pit會在廁所會見到, 而個廁所通常會係地庫個層或者廁所樓下個層唔可以有去水喉行, 都有機會做潛水泵井, 跟住就你廢水泵井Waste Water Sump Pit, 廢水泵井第一就會係地庫的停車埸會見到, 因為個停車埸會有好多地台去水, 當洗地的時候水, 水會經地台去水到呢D的waste Water Pump Pit泵去隔油池Petrol Interceptor隔一隔氣油再泵去正常Fall水喉那裡, 另一在種可能你茶水間Pantry個星盤又係Fall唔到正常去水喉度, 就會加設個不銹鋼的Waste Water  Sump去泵走D Waste Water到正常Fall水喉個度, 最後就係雨水泵井, 雨水泵井固名思義就你收集雨水再泵走, 但呢個雨水係地下水，都係地庫個層，四邊都會有擋土牆, 地底水會滲入擋土牆, 所以係擋土牆㡳會有條明渠所集呢D的雨水, 再經雨水斗去到雨水泵井泵去可以正常Fall水喉個度, 你有時見到牆身濕濕地, 就係擋土牆係漏水, 咁咪好樣衰牆身濕濕地, 所以則師會加多一幅裝飾牆Cavity Wall去遮住佢

Part B喉管的物料及潛水泵井的配置                                                                                                                                                                         首先係喉管的物料，通常有兩種用係泵喉度, 就係球墨鑄鐵Ductile Iron Pipe及鉛水喉Galvanized Steel Pipe, 如果係DN80mm或以上的就用球墨鑄鐵, DN80mm以下的就用鉛水, 到去水入泵井的物料, 甘就多數係生鐡, 仲有就係氣喉, 氣喉就一係鉛水, 一係生鐵，都係用直徑80mm或以上系生鐵, 以下的就鉛水, 潛水泵通常係泵井會有兩台, One Duty One Standby, 泵出水部份會有膠Rubber的避震, 避震系在於泵出水位置, 所以係個泵井裡面, 之後會安裝一個Ball Check止回閥同一個閘掣, 呢個掣同閥可以安裝係井出面牆身位置, 但係有時有個卡拉蘇關左個掣咪大獲, 因為人人都可以掂到個掣, 所以可以將呢兩個掣同閥放係泵井裡面, 甘就唔使是但一個人掂到, 但係放下泵井裡面, 有機會個掣同閥會濕, 甘又有可以分Dry Pit及Wet Pit, 將掣, 閥同泵放係Dry Pit裡面, 之前兩個都可以維修, 但呢個當然就最好, 如果泵壞個Wet Pit浸到滿晒都可以舒舒服服維修

Part C潛水泵的資料                                                                                                                                                                                           潛水泵都係主離芯泵的一種, 都係靠摩打轉動泵軸泵葉抽走污廢水同雨水, 系用於污水的潛水泵,  會有Cutter係泵葉下面, 用黎Cut爛D固體垃圾, 另外潛水泵有Cooling Jacket, 如果泵需要長時間啟動, 或者泵走的水較熱, 就可以用内部或外部的液體做Cooling

Part D計算潛水泵井的尺寸                                                                                                                                                                       假設有一個2m長X2m闊X内膽2m高由井内膽的泵井底到石屎面，有條DN150mm的污水喉入到井, DN150mm污水喉行緊18l/s, 即係0.018,m3/s, 呢個係Qin, 高度係井底草鞋上1.3m到污水喉的Invert Level, 咁我地可以馬上知道水位的高度H, 因為污水喉Invert Level到水位要落0.1m的, 所以水位高度係1.3-0.1=1.2m高, 跟住呢1.2m會分左4個高度，H1至H4, H1係水位高過潛水泵的入水位, 如果唔高過就有機會行空泵, 甘就預0.2m, H2就預0.15m, 呢個係停泵的高度, 亦都係個Sump Pit的Effective Volume,  即係草鞋上0.2泵就會停，當大量污水流入升到去0.35m, 第一台潛水泵就含開啟，直至上升到0.77m, 甘呢0.77-0.35=0.42m就係H3, 好啦跟住水開始停啦，潛水泵一路抽直至H2的最低點就會泵停, 如果水仲係不斷流入, 去到0.77第二台泵就會一齊開，由0.77m升多0.43m到1.2m, 高水位訊號就會響, 之前提到Qin系0.0183m3/s,  甘潛水泵的流量係Qout就係Qin+1, 就係19l/s, 即係0.019m3/s, 好有左呢D計數值就先計Pump停的時間Ts, 就係泵停的時間, 甘就係Ts=V/Qin, V係Sump Pit的Effective Volume, 就係4m2X0.15m=0.6m3, 4m2係Sump Pit的面積, 0.15m係H2, 甘Qin就0.018m3/S係關泵個高度至開泵的高度, Ts=V/Qin,  4/0.0183=32.8Sec., 計完泵停的時間, 到泵開的時間Tp, 甘就係Tp=V/Qout-Qin, 即係0.6/(0.019-0.018)=600Sec., 但係好似好難明甘呢32.8秒同600秒即係點, 應該講個600Sec.開泵時間先, 當水去到泵的開泵高度, 即係由草鞋上0.35m, 泵就會開, 行左600秒之後泵就會停, 就去返草鞋上0.2m, 甘水都係以0.018m3/S入落水井, 只需32.8秒就會去到開泵那個高度, 即係草鞋上0.35m, 水泵又會開, 所以32.8秒+600秒為之1個Cycle(開泵時間+停泵時間), 知道左1個Cycle係需要632.8秒, 甘我地睇返1個鐘泵就會行3600/632.8=5.68次, 我地通常1個鐘唔可以行多個10次為目標, 仲有泵井係有兩台泵, 5.68次再除2=2.84次, 因為第1台泵開完, 下次會開第2台, 梅花間築甘行, 呢個叫Changeover, 所以呢個潛水泵井係合格的

Part E建造潛水泵井的分工                                                                                                                                                                       建造這個基本上分左3個承辦商, 我地會分做Civil, Builder及水喉分判, 由於造呢個泵井係Underground, 所以泵井的四邊牆, 底頂塊石屎, 所有Underground的喉都會係Civil做, Underground的喉就包括泵喉, 氣喉, 去水喉及燈喉, 燈喉係俾泵的Cable行, Underground的喉做到邊? 如果係Underground轉上Aboveground的, 就由Underground轉上Aboveground上300mm做分界, 以後由水喉分判接駁喉就係呢個位接駁, 入井的喉就輕輕入100mm-125mm做分界,  當交泵井出來, Builder要落好100mm草鞋, 裝好Step Iron或者爬梯, 交俾水喉分判安裝水泵, Guild rail做喉, 安掣接駁返個100mm-125mm分界位, 最後Builder做好地台完成面, 安好井蓋

 

 

 

 

 

 

 

 

 

 

 

 

 

 

 

15個有關雨水的要點 15 Points About Rainwater System

第1個係雨水斗無隔氣 平時Floor Drain我地叫地台去水或者地漏, 如果係接收雨水的, 我地叫雨水斗 Rainwater Outlet, 地台去水係會有隔氣的, 但係雨水斗可以係無隔氣的, 我做10個Project, 9個都無隔氣的, 咁即是裝唔裝, 條例上就無話一定要有隔氣的, 如果無的話, 大有可能, 假以時日, 雨水斗會俾沙沙石石整到雨水斗個內徑越來越細, 如果有隔氣就會塞隔氣, 換隔氣就會比換雨水斗容易D, 如果你要換雨水斗, 就要打鑿地台, 即係會搞到個防水, 如果撞正黑雨, 咁就又水舞間

第2個係條例啦, 露台雨水斗的尺寸係有條例, 雨水斗 Rainwater Outlet個尺寸係40MM直徑的, 你唔會話想裝個直徑100MM, 即係4寸, 係不可以的

第3個係雨水的企身喉, 去到最低個層轉返走高位的時候, 那個曲要係大彎邊的, 大彎邊用來援減沖方, 因為雨水係天台沖落來, 而且仲要另外加固個大大彎邊, 不是的話, 又水舞間, 話時話澳門水舞間仲係唔係度

第4個係講沙井蓋的, 記住, 圓清方污, 圓型井蓋的, 係雨水的, 方型的係污水, 井蓋的大細, 要求, 會係渠務處有Standard Drawing的, 俾條Link大家https://www.dsd.gov.hk/TC/Technical_Documents/Standard_Drawings/index.html

第5個係講梳冷面的, 如果係入行到的地方, 就要用平的相冷面, 如果 無人行到去的地方, 例如Top Roof就要菊花斗Dome Grating, 又或者係明渠裡面的, 都會使用菊花斗, 菊花斗的功能就係隔住垃圾, 例如樹葉, 係無錯, 係會隔住D垃圾, 但係如果無人清, 都會成個面水浸, 防水如果一般的, 就會流落下一層

第6個係講CDP Condensate Drain Pipe冷凝水, 即係機的排水, 係屬於雨水的一部份, 係可以接駁雨水喉的, 而泳池的水, 都係可以接駁雨水喉的, 泳池機房通常有兩個Catch Pit, 1個係雨水, 1個係廢水, 如果你要做反沖洗個沙缸, 排水就要駁廢水Catch Pit, 如果係泳池放水, 就要接駁雨水的Catch Pit排走, 因為泳池的水經過過濾以及消毒, 所以可以接駁雨水, 如果泳池要排水

第7個係講什麼是Catchment Area, Catchment Area接雨水的面積, 簡單講就係露天的位置, 即係落雨直接到的面, Catchment Area會用平方米做單位, 有左Catchment Area先可以計算到幾大直徑的雨水垌, 可以接到幾大面積的Catchment Area, Catchment Area唔指要計地面, 1棟建築物的外牆都會考慮為Catchment Area, 但係面積要X1/3

第8個係講什麼雨水喉的物料, 雨水喉可以使UPVC膠, 紅垌Epoxy Cast Iron, 生鐵Cast Iron, 球墨鑄鐵 Ductile Iron及瓦垌Clay Pipe

第9個係講雨水斗的數量, 如果1個雨水斗就收雨水, 如果好D既, 就會俾2個, 因為可使其中1個塞的話, 可以使用另1個雨水斗, 2個雨水斗的尺寸係一樣, 下面個層都會即刻接駁在一起

第10個係500年1遇, 上23年9月有1場世紀豪雨, 香港周圍都有嚴重的水浸, 而政府就同大家講今次真係500年1遇, 呢500年1遇點黎? 過幾個月又500年1遇, 幾多年1遇係天文台的1個統計, 稱之為「重現期」（Return Period）, N 年一遇」或者重現期，常見在自然災害的相關統計當中，例如水災、地震、乾旱等都有機會用到這些形容，用黎搵返降雨量mm/hr, 降雨量先係重點, 係我地設計, 系樓宇設計通常會使用200年1遇黎搵返降雨量, 有左降雨量先可定雨水渠垌的尺寸, 係天文台個Chart唔止有500年1遇, 仲有1000年1遇, 千年一遇, 可能是一種將災難無限放大從而逃避責任的託詞, 但這種稱呼是否合適存在爭議, 極端天氣世紀豪雨造成的嚴重的水浸, 種種的原因都會有, 渠口有少少的垃圾, 雨水渠老化, 長年累月, 日積月累, 雨水渠可排水的面種越來越細, 都會有機會造成嚴重的水浸, 唔好渠垌, 大海都收都收唔切咁多雨水

第11個係雨水回收, 好多的新樓都會有雨水循環系統, 叫做Rainwater Recycling System或者係Rainwater Harvesting System, 收返來的雨水會用返係沖廁, 洗地或者淋花使用

第12個係雨水喉的Label, 如果你見到喉身係黑底白字寫住RWP, 個條喉就係雨水喉

第13個係普通的雨水系統係叫傳統式, 雨水渠管斜水系會跟平時污水喉管係一樣, 例如DN100mm喉係1:40, 而且喉管的充滿度最多都係行1半, 如果建築物個天面系好佢大, 或者室內的Headroom高度有限, 咁就可以考慮Siphonic Rainwater System虹吸雨水系統, 用得虹吸雨水系統, 喉管的尺寸可以比傳統式細多好多, 因為喉管的充滿度系100%, 而斜水可以係接近平, 只需要少少斜水, 俾平日唔系好大雨時俾佢Fall水

第14個係有關雨水斗的安裝，雨水斗最好就係Cast-in的，即是釘板扎鐵那時就要留定雨水斗， 等落石屎那時和石屎一起鑄落去，這樣的安排比留吼再留雨水斗會好些，因為這樣做對防水係好的，如果留地台去水斗就留吼會比較好些， 因為地台去水常常都改位置，而改雨水斗的機會就比較細

第15就係花糟的去水都係雨水的一部分，因為你唔會用污水來淋花