一些排水的正確方法 Some Correct Methods for Drainage

排水的正確方法, 資料都係系網搜尋及一些地盤的經驗, 大概就系一些排水喉接駁的方法, 我會講下不正確的例子及正確的例子, 我覺得都幾有用的

第1個例子就係高位掛天花的橫身排水管, 去到尾一係轉個曲落下一層或者接駁主排水Down Pipe, 現在就係講後者接駁主排水Down Pipe, 見到呢個幾好啦又45度曲, 又45度斜叉, 一睇就知順水, 其實呢個係不正確的, 就係因為太順水, 水會直接流到Down Pipe的對面位置, 咁樣會影響梳氣的流通, 形成真空狀態, 形成負壓, 一般排水流走就係正壓, 如果係虹吸雨水系統, 即係吸走的, 就係負壓, 係現在這個情況, 如果係隔氣係附近, 咁就有機會抽干隔氣裡面的水封, 繼而臭氣就會係排水口流入, 如果實際用斜叉, 而條企身Down Pipe係管井, 那個配件好大機會會蝕入牆身, 這是不建議的, 因為如果需要更換配件, 就要下下打鑿先可以換到個配件, 另外就係條排水喉係斜入過牆身, 咁個套通就唔知點安裝, 唔通斜裝咩

第2個例子就係正確的做法, 建議安裝一個88度的正叉去代替個斜叉, 咁樣氣就可以有空間梳到氣, 排水就會正常, 無左配件就唔會蝕入牆身, 套通都唔會打斜裝

第3個例子就係當直身的去喉接駁到橫身的喉, 橫身的喉就會駁一個叉, 或者刁叉, 係呢個情況如果你接駁一個正叉的, 這就唔係太好, 因為當直身喉的水會直接沖落正叉的底部, 水就會淺開兩邊會做成倒流, 首先就唔係順水啦, 而且影響排水的正常運作, 日積越累, 就會堵塞喉管

第4個例子就係正確的做法, 係直身的去喉接駁橫身喉, 橫身喉開叉位, 建議使用斜叉, 那就可以解決水會淺開兩邊做成倒留的問題, 其實唔止直身的去喉, 那些一排潔具係近外牆, 例如坐廁高咀一出會下安裝一個曲向下, 之後一條仔接駁橫身的喉, 都係比較適合安裝斜叉

第5個例子就係講去水喉的斜水, 如果去水喉管徑過細, 無斜水, 或者倒斜的, 污水及排泄物會停留及漂留係去水管裡面, 如果去水喉的斜度太斜或者管徑過大, 污水會排走, 但係排泄物會停留係去水管裡面, 如果去水喉的管徑適中, 對應相對的斜水比例, 就會污水及排泄物都可以排走

第6個例子就係講講习士Reducer的安裝, 供水的习士越习越細, 而排水的刁士越习越大, 供水的就會使用直刁, 而去水喉人會用斜刁, 呢度睇到斜刁細喉方面就係底的位置, 咁幾好啦, 又順水, 其實唔係咁正確, 因為會增加堵塞細喉的風險, 正確的安裝方法係細喉的位置係安裝在上面, 咁樣先唔會堵塞細喉

第6個例子就係一條橫身的去水喉, 行到某個位置, 突然要Drop低, 因為可能要避開其他喉, 或者避陣等等, 咁咪一個90度曲向下, 加一條直身短仔, 再加一90度曲向橫, 咁樣的配置唔係幾好, 會容易堵塞, 比較好的方法系使用兩個45度曲去減低堵塞的風險,

分享排水隔氣水封(Deep Seal)破壞/損失的原因 The Reasons of Damage or loss for Drainage Trap

隔氣裡面有水, 即係Deep Seal水封, 會抽干的原因, 隔氣裡面有Deep Seal水封抽干左或者部分抽干會點呀, 臭氣或者病毒就會經去水位傳出, 根據建築條例, 所有廢水的裝置都要有隔氣, 廢水的裝置與隔氣的距離唔可以超過1m的, 水封Deep Seal水封個深度最少有40mm, 但係廢水喉Waste Pipe會接駁到污水喉Soil Pipe的, Deep Seal水封個深度最少有80mm, 所以唔理啦, Deep Seal全部最少有80mm, 因為廢水喉9成9都會駁污水喉, 而且市面上的隔氣多數會係80mm Deep Seal, 

隔氣有唔同種類, 唔同的物料, 唔同的應用地方, 例如P型, S型, W型, 物料就膠PVC, 紅垌, 銅都會有, 詳情可以留意我呢１段片for唔同種類的隔氣, 

去水系統因為水的流動, 空氣的壓力都會隨之而變化, 當壓力值超過某一個限值, 會影響個水封, 水封就會破壞, 當水封的水低過彎管內的最高位, 空氣就可由自在流通, 另外如果正壓太大, 水都會係隔氣噴出, 呢個情況都會係Deep Seal水封破壞, 導致Deep Seal水封破壞的原因除了負壓的抽以及正壓的噴, 仲有虹吸, 毛細管作用, 蒸發作用, 一旦水封破壞, 臭氣就會傳出, 病毒就會傳播, 例如沙士SARS, 以下就有5個原因引至水封破壞

 第1個負壓抽吸作用, 呢度係度講緊, 如果企身的去水喉排水量過大個陣時, 係短時間內形成局部的真空, 隔氣裡面的水封就會被負壓吸走, Deep Seal水封就會破壞, 當排完水, 隔氣裡面的水封實際的高度就會低過應有的高度

第2個正壓嘖濺作用, 當排水企身喉最底部分流速好大, 而且裡面的壓力大過大氣壓, 隔氣裡面的水封受壓會向上噴, 噴完之後, 正壓消失, 上升的水流向下, 由於慣性力的作用, 部份的水會排走, Deep Seal水封的高度就會降低

第3係自虹吸作用, 如果使用S型的隔氣係洗手盤度, 當你個洗手盤裝滿水, 但當要排水的時候, 由於S型的隔氣會充滿水係裡面, 係呢個情況下, 會引起虹吸作用, 隔氣的水封就會破壞了, 係美國S型的隔氣係禁止使用, 係香港都無咩點見到, 通常都P型, 洗手盤的就使用Bottle Trap樽隔

第4係蒸發作用, 係洗手盤或地台去水的隔氣一入一出都會跟空氣接觸, 裡面Deep Seal水封的水跟空氣接觸水面就會蒸發, 隔氣流入的位置會比流出的位置蒸發會多一些, 因為流出的位置會接駁去水喉, 所以較為潮濕, 根據測試, 如果有冷氣的地方, 每日會蒸發0.7mm, 如果無冷氣的地方, 就會蒸發少一些, 大概02mm至0.7mm

第5係毛細管作用, 你都知沖涼花洒去水幾多頭髮塞住, 如果有頭髮入左係隔氣裡面, 係毛細管作用下, Deep Seal水封就會破壞, Deep Seal水封的破壞都會睇返隔氣係咩種類, 去水喉尺寸, 線頭種類, 數量, 附著的形式都有關係, 根據日本有關的測試, 1個線頭係14個鐘後, 3個線頭係6個鐘後, 隔氣的Deep Seal水封就會破壞 

唔同類型的潔具以, Deep Seal水封破壞都有唔同的原因, 但係大多計數主要的原因會係負壓抽吸, 如果係低層單位的, 正壓嘖濺就會主要原因, 自虹吸就洗手盤居多, 而地台去水就會係蒸發及負壓抽吸

簡介潛水泵井 Introduction of Sump Pit

今日分享簡介一下潛水泵井, 正所謂有頭髮邊個想做瘌痢, 如果正常去水可以Fall到水, 就唔使用潛水泵井啦, 潛水泵井就係將排水唔可以正常Fall到去去水喉度，就用潛水泵井收集個D水, 再用潛水泵泵去可以正常Fall水的去水喉度, 我會分5 Parts講下潛水泵井的, Part A潛水泵井的種類及應用地方, Part B喉管物料及潛水泵的配置, Part C潛水泵的資料, Part D計算潛水泵井的方法, Part E接駁電源

Part A潛水泵井的種䫋                                                                                                                                                                                                           普遍有3種, 污水泵井, 廢水泵井以及雨水泵井, 首先污水泵井Sewage Sump Pit會在廁所會見到, 而個廁所通常會係地庫個層或者廁所樓下個層唔可以有去水喉行, 都有機會做潛水泵井, 跟住就你廢水泵井Waste Water Sump Pit, 廢水泵井第一就會係地庫的停車埸會見到, 因為個停車埸會有好多地台去水, 當洗地的時候水, 水會經地台去水到呢D的waste Water Pump Pit泵去隔油池Petrol Interceptor隔一隔氣油再泵去正常Fall水喉那裡, 另一在種可能你茶水間Pantry個星盤又係Fall唔到正常去水喉度, 就會加設個不銹鋼的Waste Water  Sump去泵走D Waste Water到正常Fall水喉個度, 最後就係雨水泵井, 雨水泵井固名思義就你收集雨水再泵走, 但呢個雨水係地下水，都係地庫個層，四邊都會有擋土牆, 地底水會滲入擋土牆, 所以係擋土牆㡳會有條明渠所集呢D的雨水, 再經雨水斗去到雨水泵井泵去可以正常Fall水喉個度, 你有時見到牆身濕濕地, 就係擋土牆係漏水, 咁咪好樣衰牆身濕濕地, 所以則師會加多一幅裝飾牆Cavity Wall去遮住佢

Part B喉管的物料及潛水泵井的配置                                                                                                                                                                         首先係喉管的物料，通常有兩種用係泵喉度, 就係球墨鑄鐵Ductile Iron Pipe及鉛水喉Galvanized Steel Pipe, 如果係DN80mm或以上的就用球墨鑄鐵, DN80mm以下的就用鉛水, 到去水入泵井的物料, 甘就多數係生鐡, 仲有就係氣喉, 氣喉就一係鉛水, 一係生鐵，都係用直徑80mm或以上系生鐵, 以下的就鉛水, 潛水泵通常係泵井會有兩台, One Duty One Standby, 泵出水部份會有膠Rubber的避震, 避震系在於泵出水位置, 所以係個泵井裡面, 之後會安裝一個Ball Check止回閥同一個閘掣, 呢個掣同閥可以安裝係井出面牆身位置, 但係有時有個卡拉蘇關左個掣咪大獲, 因為人人都可以掂到個掣, 所以可以將呢兩個掣同閥放係泵井裡面, 甘就唔使是但一個人掂到, 但係放下泵井裡面, 有機會個掣同閥會濕, 甘又有可以分Dry Pit及Wet Pit, 將掣, 閥同泵放係Dry Pit裡面, 之前兩個都可以維修, 但呢個當然就最好, 如果泵壞個Wet Pit浸到滿晒都可以舒舒服服維修

Part C潛水泵的資料                                                                                                                                                                                           潛水泵都係主離芯泵的一種, 都係靠摩打轉動泵軸泵葉抽走污廢水同雨水, 系用於污水的潛水泵,  會有Cutter係泵葉下面, 用黎Cut爛D固體垃圾, 另外潛水泵有Cooling Jacket, 如果泵需要長時間啟動, 或者泵走的水較熱, 就可以用内部或外部的液體做Cooling

Part D計算潛水泵井的尺寸                                                                                                                                                                       假設有一個2m長X2m闊X内膽2m高由井内膽的泵井底到石屎面，有條DN150mm的污水喉入到井, DN150mm污水喉行緊18l/s, 即係0.018,m3/s, 呢個係Qin, 高度係井底草鞋上1.3m到污水喉的Invert Level, 咁我地可以馬上知道水位的高度H, 因為污水喉Invert Level到水位要落0.1m的, 所以水位高度係1.3-0.1=1.2m高, 跟住呢1.2m會分左4個高度，H1至H4, H1係水位高過潛水泵的入水位, 如果唔高過就有機會行空泵, 甘就預0.2m, H2就預0.15m, 呢個係停泵的高度, 亦都係個Sump Pit的Effective Volume,  即係草鞋上0.2泵就會停，當大量污水流入升到去0.35m, 第一台潛水泵就含開啟，直至上升到0.77m, 甘呢0.77-0.35=0.42m就係H3, 好啦跟住水開始停啦，潛水泵一路抽直至H2的最低點就會泵停, 如果水仲係不斷流入, 去到0.77第二台泵就會一齊開，由0.77m升多0.43m到1.2m, 高水位訊號就會響, 之前提到Qin系0.0183m3/s,  甘潛水泵的流量係Qout就係Qin+1, 就係19l/s, 即係0.019m3/s, 好有左呢D計數值就先計Pump停的時間Ts, 就係泵停的時間, 甘就係Ts=V/Qin, V係Sump Pit的Effective Volume, 就係4m2X0.15m=0.6m3, 4m2係Sump Pit的面積, 0.15m係H2, 甘Qin就0.018m3/S係關泵個高度至開泵的高度, Ts=V/Qin,  4/0.0183=32.8Sec., 計完泵停的時間, 到泵開的時間Tp, 甘就係Tp=V/Qout-Qin, 即係0.6/(0.019-0.018)=600Sec., 但係好似好難明甘呢32.8秒同600秒即係點, 應該講個600Sec.開泵時間先, 當水去到泵的開泵高度, 即係由草鞋上0.35m, 泵就會開, 行左600秒之後泵就會停, 就去返草鞋上0.2m, 甘水都係以0.018m3/S入落水井, 只需32.8秒就會去到開泵那個高度, 即係草鞋上0.35m, 水泵又會開, 所以32.8秒+600秒為之1個Cycle(開泵時間+停泵時間), 知道左1個Cycle係需要632.8秒, 甘我地睇返1個鐘泵就會行3600/632.8=5.68次, 我地通常1個鐘唔可以行多個10次為目標, 仲有泵井係有兩台泵, 5.68次再除2=2.84次, 因為第1台泵開完, 下次會開第2台, 梅花間築甘行, 呢個叫Changeover, 所以呢個潛水泵井係合格的

Part E建造潛水泵井的分工                                                                                                                                                                       建造這個基本上分左3個承辦商, 我地會分做Civil, Builder及水喉分判, 由於造呢個泵井係Underground, 所以泵井的四邊牆, 底頂塊石屎, 所有Underground的喉都會係Civil做, Underground的喉就包括泵喉, 氣喉, 去水喉及燈喉, 燈喉係俾泵的Cable行, Underground的喉做到邊? 如果係Underground轉上Aboveground的, 就由Underground轉上Aboveground上300mm做分界, 以後由水喉分判接駁喉就係呢個位接駁, 入井的喉就輕輕入100mm-125mm做分界,  當交泵井出來, Builder要落好100mm草鞋, 裝好Step Iron或者爬梯, 交俾水喉分判安裝水泵, Guild rail做喉, 安掣接駁返個100mm-125mm分界位, 最後Builder做好地台完成面, 安好井蓋