如何設計食水供水喉尺寸 How to Size Fresh Water Pipe

食水供水喉尺寸對用水效果很重要, 如果供水喉尺寸唔適合, 一下大左或細左, 會影響用水的效果, 我會3種方法介紹係6個應用的地方, 如果識得用係呢5個的地方, 基本上所有地方都會知道設計, 好有用, 唔止做工程可以用, 讀緊書要做Project的你都有用

第1個方法係住宅單位供水喉尺寸, 呢個方法係定入單位的總喉的尺寸, 以及其餘的分佈的尺寸, 冷熱水喉的尺寸, 差唔多95%都會用銅喉, 呢條單位供水喉也是水錶排骨位條喉的尺寸, 1個廁所+1個廚房, 就俾條22mm(6分)的銅喉由頭到尾都係22mm, 2個廁所+1個廚房, 就俾條28mm(1寸)的銅喉, 全部入廚房或廁所就22mm喉, 28mm喉俾完廚房及1個廁所就轉22mm, 3個廁所+1個廚房, 就俾條35mm(寸2)的銅喉, 全部入廚房或廁所就22mm喉, 35mm喉俾完廚房及1個廁所就轉28mm喉, 28mm喉俾多1個廁所就22mm, 千奇就唔好有15mm(4分), 咁樣供水係比較穩定, 有時沖沖下涼有另外1個人去開洗手盤水龍頭, 花洒就會突然水細左, 就喉水喉細左的原因

第2個方法就系睇件數去定食水供水喉的尺寸, 呢個方式首先適合1個的公眾廁所的總食水喉或者裡面的分支連所有潔具的尺寸, 如果2個的公眾廁所呢? 通常男廁系度, 女廁及殘廁會係隔離, 即係3個廁所, 咁總喉就要用另1個方法, 等陣先講, 以家1個公眾廁所, 例如裡面有8個面盆, 分開左兩邊, 每邊4個面盆, 我睇返尺寸表, 22mm俾到3個面盆, 28mm俾到6個, 35mm俾到10個, 如啦咁尺寸點安排? 通常1條主CWP喉分開2條CWP俾兩邊的面盆, 主的CWP俾兩邊, 睇返尺寸表第2行, 10個水龍頭就係35mm, 而2條CWP俾兩邊的面盆, 每邊4個面盆, 睇返尺寸表6個面盆就28mm, 那個2條CWP就係28mm, 4個面盆俾28mm, 俾完1個面盆可以轉22mm俾3個面盆

第3個方法用係的地方有, 第1個住宅每層的主CWP, 即系例如每一層6個單位的, 主CWP係幾大, 剛剛講第1個住宅每層的主CWP, 第2個就係以個Zone的計算, 例如住宅1/F去到10樓係1個Zone, 第3個就係以個天台使用加壓泵泵最上個4,5層單位, 第5個就係以個公眾廁所有幾個的, 第5個就係個成座樓宇的總入水喉, 第6個就係以個成個項目的總入水喉, 例如項目有5支樓的, 都會使用呢個方法, 呢個方法就係睇返潔具的數量對應返Loading Unit搵到總Loading Unit用Loading Unit表或者使用方程式loading Unit Power0.73/23, 就可以搵到個流量Flow, 單位係L/S, 有左Flow就可以使用IPO Pipe Sizing Chart搵返CWP的尺寸, 以家我示範1次計由即每一層6個單位的主CWP, 及例如住宅1/F去到10樓係1個Zone, 知道左呢2種的計算, 基本上都知道其餘係點玩法, 好每層6個單位的, 1個單位1個廁所浴室以及1個廚房, 會有1個面盆, 1個花洒係廁所浴室, 1個星盆係廚房, 仲有無其他? 仲要洗衣服, 要俾洗衣機, 所以仲有1個龍頭俾洗衣機, 如果高級的樓宇, 仲要考慮多1個浴缸以及洗碗碟機, 不過我以家不考慮, 因為窮呀, 好知道所有的用水設備, 就找一找各個潔具設備的Loading Unit, 睇返IOP Table15個表, 左手邊係潔具設備的種類, 右手邊係分左3種的Loading Unit, 分低用量Low Frequency, 中用量Med Frequency以及高用量High Frequency, 選擇低用量係人每一次使用潔具設備相距1200秒, 即系20分鐘, 適合應用係住宅, 中用量就相距600秒, 即系10分鐘, 適合應用係公眾用途, 例如公共廁所, 而高用量就相距300秒, 即系5分鐘, 適合大量使用, 例如演唱會場地, 電影院及大球場, 以家我地住宅係使用低用量Low Frequency, 面盆的Loading Unit係1, 花洒係3, 星盤係2, 洗衣機係2, 但係實際的操作我地會提高小小個Loading Unit, 面盆的係1.5, 花洒係3, 星盤係3, 洗衣機係3, 好6個單位即係每個潔具設備X6, 即系(6X1.5) + (6X3) + (6X3) + (6X3), = 9 + 18 + 18 + 18, = 63, 63 Power 0.73 / 23 = 0.9, 0.9就係流量L/S, 有左 0.9L/S可以使用IOP Pipe Sizing Chart, 係應用係銅喉的, 係個Chart左手邊係流量, 流量打斜上去的斜線係喉的尺寸, 相反的斜線係水的流速, 我地係流量0.9個度畫條橫線, 睇返撞到喉尺寸的斜線, 嘩會撞到67mm, 54mm, 42mm, 35mm, 28mm, 22mm, 咁點呀, 呢個時候就要睇個流速, 如果你使用54 mm喉的, 個流速太慢了, 得0.5m/s,  如果選擇54 mm喉, 係Over Design, 42mm都係, 我地要使用1-1.5m/s的流速係最適合, 如果係甘35mm係最適合, 咁28mm得唔得? 唔得, 如果使用28mm, 流速差不多1.6m/s, 超過射程範圍, 超過1.5m/s的, 銅喉有機會地震以及有噪音, 最後一層6個單位的, 總喉就係35mm, 即係6水錶位個條排骨係35mm, 其餘單位係幾大? 就係第1個方法, 1個廁所浴室及1個廚房使用22mm, 到最後計1個zone係點樣玩法, 1/F-10/F由上至下Gravity供水, 我會咁樣做, 計左Total10層的流量先, 之前1層Total Loading Unit係63, 10層就630, 630 Power 0.73 / 23 = 4.8L/S, 睇返表就要用67mm, 行緊1.4m/s的流速, 最上10樓就係使用67mm一條企身Gravity一路落, 落到6樓, 每層Tee一條35mm的食水喉俾每1層, 俾完6樓就轉54mm就俾5/F以及4/F, 54mm俾完4樓就轉42mm就俾3/F, 54mm俾完3樓就轉35mm就俾2/F及1/F, 呢個係每幾層幾層計, 就應用在每1 Zone計

最後2點的要點, 第1個係1般使用1-1.5m/s的流速係最好, 但都可以考慮使用到2m/s,即係1.5m/s-2m/s, 但呢D喉要係無噪音的要求的地方, 例如Pipeduct或者機房, 第2個係我地見到IOP Pipe Sizing Chart係銅喉, 如果計到樓的總入喉或者項目的總入喉, 就要使用Ductile Iron Pipe的IOP Pipe Sizing Chart, 如果估計條喉係80mm或以上

不同種類樓宇的水缸 Different Type of Water Tank in Different Building

水缸的資料, 我會分點計容量係唔同種類的樓宇, 點計水缸的Effective Height及講一些水缸的要求, 以下是8個例子

第1個係住宅的食水缸Potable Water Tank, 如果係使用Sump and Pump System就會係頭10個單位係135L, 其餘的單位係90升, 假設我有100個住宅單位, 頭10個單位係135L, 即係1350L, 剩餘90個單位係90L, 即是8100升, 甘呢100個住宅單位總容量就係1350+8100=9450L, 呢個係食水的總容量, 因為分上地底缸及天台缸, 佢地水缸的比例係1:3, 地底缸係1而天台缸係3, 咁即係地底缸的容量係9450X0.25=2362.5L而天台缸就係9450X0.75=7087.5L, 甘你就唔好容量, 比人小死, 最後地底缸的容量係2400L而天台缸係7100L

第2個住宅沖廁水缸容量係點計, 都係使用Sump and Pump System分上下缸, 先要知道個總容量, 甘就要知道成座樓有幾多個座廁, 住宅應該無尿兜啦, 100個單位, 每個單位一個廁所即係100個座廁, 以前每個座廁就要45L, 現在30L就可以, 甘總容量就係100X30=3000L, 上下缸都係跟食水缸1:3的比例

第3個係寫字樓, 戲院的食水缸, 甘就要睇潔具的數量再X返每個潔具45L, 寫字樓通常就有個公眾廁所分男廁女廁殘廁, 可能每個Office有廁所有茶水間, 即係要知道所有面盆跟星盤的數量, 假設20層高的寫字樓每層12個面盆, 跟3個星盤, 甘Total潔具的數量係(12X20)+(3X20)=300Nos., 300X45=13500L, 13500L係總容量, 如果係用Booster Pump的, 甘就一個食水缸係地下泵房, 如果都係使用Sump and Pump System, 都係一樣, 上下缸都係跟食水缸1:3的比例, 戲院Case跟寫字樓一樣, 每個潔具45L

第4個係商業的沖廁水缸, 商業就包括酒店, 寫字樓, 應該係除左住宅其餘的都係使用每個座廁40L, 每個尿兜係30L去來計, 甘即係總潔具數量X30L係尿兜, 40L係坐廁, 水缸如果Sump and Pump System都係1:3的比例, Booster的就係總容量

第5個係酒店的食水缸, 要計酒店的食水缸, 我地要知道有幾多間單人房以及幾多間雙人房, 單人房的, 就每間45L, 而雙人房就每間70L, 假設有50間單人房, 50間雙人房, 水缸總容量係(50X45)+(50X70)=5750L, 水缸如果Sump and Pump System都係1:3的比例, Booster的就係總容量

第6係洗地水水缸Cleansing Water Tank, 洗地水係用係廁所的清潔房, 裡面有個Mop Sink, 仲有就係停車場會有好多洗地龍頭, 每個水龍頭係45L, 假設我有10個Mop Sink, 15個洗地龍頭, 洗地水水缸的總容量係(10X45)+(15X45)=1125L

第7係淋花水缸Irrigation Water Tank, 淋花水係使用在花糟Planter的灌溉上面, 甘就包括同洗地水龍頭一樣的, 不過淋花我地會叫做淋花龍頭, r跟住就係淋花花洒Sprinkler Head, 就係草地上面有新舊黑色的物體突然升上來噴水, 仲有就係滴水喉Dripper Pipe, 每一個都係當45L來計, 假設有10個淋花水龍頭10個, 淋花Sprinkler Head個, Dripper Pipe 2Sets, 個總容量係(10x45)+(5x45)+2(2x45)=765L

第8係餐飲F&B的食水缸, 一個商場會有好多間餐廳, 甘呢個水缸係包括所有的餐廳, 我地唔會每間餐廳獨立分水缸, 我地會分獨立水錶俾每間餐廳計水費, 而一個總的食水缸供所有餐廳, 甘就水缸出水經水泵到每個獨立水錶再供水俾每間的餐廳, 而入到每間的餐廳, 都會有3種唔同的水缸俾唔同的用水點, 有第2(A)類, 第2(B) 類以及第3類, 好啦, 要計F&B的食水缸總容量有3點要知, 就係每個座位25L, 如果係實用面積的Net Area, 就0.929m2/1個人, 如果係建築面積的Gross Area, 就1.394m2/1個人, 好我假設有4間餐廳總建築面積300m2, 甘300/1.394間餐廳就可以有215個座位, 甘個總容量係215X25=5357L

第9係學校的食水缸, 學校的食水缸通常供水俾洗手間, 荼水間, 或者實驗室, 要計呢個食水缸我地要知道2樣野, 就係學生以及教職員數量, 和實驗室星盆的數量, 我地會以每個人4.5L, 而每個實驗室星盆4.5L來計, 假設間學校師生總共300人, 而實驗室星盆就有10個, 甘個總容量就係(300X4.5)+(10X4.5)=1395L

簡單了解水泵Pump Curve

什麽是Pump Curve水泵曲線圖？當我知道或計算好水泵個Pump Head揚程及流量Flow, 我就要用Pump Curve用來判斷睇下呢個泵是否符合需求, 係買泵之前, 一定要上水泵的所有數據, 包括泵Curve俾上家審批, 係睇Pump Curve之前, 我會先選擇好水泵, 咁我當然要知兩個數, 泵Head及流量, 我無呢兩個數我行唔到第一步, 泵Head係Static Head + Friction Loss+ Working Pressure, Static Head係由水泵出水泵到去出水位的高度, Friction Loss係喉管及配件的阻力, Working Pressure係最後出水的壓力，假設係上水泵到上水缸, 起碼俾返10m至15m的壓力, Pump Curve會用m做單位, 10m就等於1個bar, 而流量係我用Loading計好所有潔具得出來的，係Pump Curve會用m3/h, 但係其他的標示就會用l/s居多, m3/h轉返l/s就乘1000除3600, 好啦, 當我有泵Head及流量, 你要先選擇好水泵供應商，要睇佢個Tombstone Chart用來選擇好水泵的型號，Tombstone係解墓碑, 你睇個Chat似唔似，知道佢個型號再拿牠的Pump Curve圖來睇，咁我以家睇到呢個Pump Curve圖, 左手邊打直Y軸就係Pump Head, 而下面打横Z軸就係流量來的，條Pump Curve係黎的? 佢係生産商經過測試個水泵, 簡單講, 水泵泵Head及水泵流量是反比, 流量越大, Pump Head揚程就會越低, Pump Head越來走越高, 流量就越來越細, 如果泵泵到去最高點，流量就係0的, Pump Curve條曲線就係生產商測試水泵而得出來的, 普遍有5種的Pump Curve, 有Steep, 就係斜的, 有Steady Rising, 好稳步上升, 有Flat好平坩的, 有Unstable唔稳定的, 仲有都係唔稳定Unstable (Saddle-shape) 馬鞍型的, 而Steep及Steady Rising係比較好的Pump Curve, Unstable的泵Curve最好唔好選擇 現在我選擇好水泵, 圖1就係廠商提供的一個Pump Curve水泵性能曲線圖, 分別會有4條Curve係4個表, 第一個係水泵的Pump Curve, 左邊Y軸係Pump Head, 單位係m, 而下低Z軸係水泵的流量, 單位係m3/h, 咁呢條泵Curve的Curve型係一條Steep的泵Curve, 好啦, 我當設計泵Head係80m Head, 而Flow就係150m3/h, 咁我就畫條橫線撞返落去條Pump Curve度, 係呢1點再垂直畫條直線撞落去第4個表度, 係Pump Curve呢點就係Operating Point, 咁水泵運行個數就係80m泵, 而流量就可以做到155m3/h, 第2個表你就會睇到水泵的Power就會係45Kw, 係第3個表而水泵的Efficiency效能就係70%左右, 最後第4個表你就會知道個NPSH Net Positive Suction Head係2.5m, 好基本咁睇就係咁睇個泵Curve, 係條泵Curve你唔會選擇兩邊做Operating Point, 如果你係110m Head及30m3/h, 無錯係可以運作到的, 但係個效能會好低, 如果我選擇65m Head以及195 m3/h, 用電量就會好高以及Net Positive Suction Head都會高啦, 所以我地都會選擇中間位置作為Operating Point, 所以除左水泵的物料我地要知道, Pump Curve的數據我都會重視, 因為顧問係個水泵的Technical Spec.都會有呢D要求, 例如Efficiency唔可以低過70%, NPSH唔可以超過4等等, 所以泵Curve就係用黎睇下呢個水泵附唔附合我地的要求

住宅食水系統簡介 Introduction of Potable Water System in Residential Building

住宅的食水系統, 先睇入水先, 食水喉會經地底先會到左check meter position檢測錶位先, 入檢測錶位都會有兩個方法, 第一個就系去到檢測錶位前轉上來, 見到個曲位, 第二個就系檢測錶位前會有鐵板生口, 下面系粒圯, 食水喉就系系裡面, 就系地底接直入檢測錶位, 而每個單位水錶(系會計用水量的) 會系每一層水錶箱裡面, 食水喉一系Ductile Iron喉 or 銅喉, 要睇返總流量l/s系幾多, 過左個檢測錶位, 食水會到地下食水缸, 食水缸會系單缸的, 物料就一系石屎or fiberglass入呢個水食水缸裡面會有波咯(浮波掣), 如果水位下跌, 個波咯就會開, 水就會入, 水到左水位、波咯個浮波就會上、入水就會停、好多時水缸會出現Overflow滿水、就系因為波咯壞左、好啦食水系食水缸裡面, 跟住水就會經水缸出水喉到食水上水泵Potable Upfeed Pump泵上去天台的食水缸

天台食水缸會系孖缸、因為要系洗水缸時保持供水、天台的水缸系無波咯的、剩系得入水喉、當水缸水位跌到去某個水位、Level Sensor就會俾個訊號上水泵泵水到天台水缸, 上水泵入水Suction出水Discharge,,,都會有一Set附設、入水系閘掣，y隔或垌隔同避震系Suction個邊、出水Discharge 系避震Check valve同閘掣, 好啦水經上水泵、上水泵泵入到天台水缸裏面、天台水缸會分兩條出水, 一條出水會接駁加壓泵, 一條出水就接駁Gravity

加壓泵組喉系駁天台落6層樓、因為頭6層樓用gravity 會水壓不足、好大機會熱水爐都開唔著, 好粗略甘計、假設住宅1層3米高、甘6層就18m, 即系有1.8個bar, 所以天台落第7層起碼有1.8個bar, 但實際要計所有有喉同配件的Friction Loss, 加壓泵Suction同discharge配誌系一樣、但系會有加壓鼓存住d水、加壓泵個壓力可以定2個Bar Cut- in, 30個bar Cut-out, 壓力泵一開始泵入系統、系到系統3個Bar就會停、如果有人用水、壓力會跌、跌到2個bar加壓泵就會開泵直到系統有3個bar為止

到gravity, gravity就俾第7層開始、去到樓層超過55m左右、就會安裝減壓掣、校低到1.8個bar再俾其餘的樓層, 上水喉通常系Ductile iron pipe而落水喉通常就銅喉, 到睇水錶房到工屋裡的水喉、加壓泵組喉同Gravity 組喉會有企身喉系水錶箱裡, 水錶箱每一層都有、系每一層會tee條喉加個閘掣去控制每一層樓水的開關、跟住條分支喉再由上至下分開每個單位的分支喉、每條分支喉會有水錶、水錶會計算每個單位的用量、水錶前會有個皮心掣、而每一個單位的供水喉系22mm, 甘就系最基本俾一個廁所一個廚房, 系水錶箱果度最底個錶位系地面上300mm, 最高果個水錶就1500mm高, 好多條22mm的銅喉就會行系高位、直接去到單位個廚房加個閘掣就安掣整個單位的食水來水、如果單位有食水喉漏水、可以先關廚房個總掣、如果關唔死、甘就關水錶箱個皮心掣、如果都關唔死、可以水錶箱個分層掣

好最後睇睇單位裡面的喉路、講個最簡單的、單位一入門口系廚房隔離系廁所, 22mm銅喉會第一時間入左系廚房的高位天花內, 都會有一個總掣在天花裡面, 單位內有咩事就會關這個掣, 由於入單位系22mm喉, 所以所有喉到供水點都是22mm的, 廚房內有星盤, 天花的銅喉會開一個Tee俾再俾星盤, 而天花的會到廁所的高位天花內, 22mm的食水銅冷水喉會接駁2個位先, 就系沖涼花洒, 洗手盤同熱水爐, 熱水爐會是媒氣或石油氣的, 熱水爐再出條熱水喉到花洒的熱水位, 有個記法, 左熱右冷