什麼是紅垌喉及配件 What is Epoxy Cast Iron Pipe and Fittings
Epoxy Cast Iron Pipe and Fittings紅垌以及配件, 係香港, 係一種好常見的去水喉物料, Epoxy Cast Iron Pipe我地通常叫紅垌, 學術D的名就叫環氧樹脂塗層鑄鐵管, 紅垌喉其實係生鐵喉的一種, 不過紅垌外層以及內層會有環氧內塗層Epoxy Coating, 唔同牌子的紅垌有唔同的厚度, 厚度就用micron來量度, 最少都要有40micron, 之前見過Spec.就要求紅垌平均130micon, 紅垌配件就要求平均70micron, 有記錄話呢種環氧樹脂塗層鑄鐵管係1913年就已經係德國及歐洲等國家大量泛使用, 香港就以前就用生鐵喉, 我大概05年出道個時就己經使用紅垌啦, 如果要換以前的生鐵喉, 好多時都會換紅垌的, 呢個係紅垌的生產過程, 紅垌的標準就一定係BS EN877, 紅垌喉尺寸由DN40mm至600mm都有, 不過通常極限都係安裝到400mm, 大過400mm會用返生鐵喉BS 4622或者Ductile Iron Pipe BS EN 598, 配件就有唔同角度的曲, 大彎邊, 大彎邊,會使用在高層住宅企身去水喉最底的位置, 斜叉及正叉, 正叉使用在氣喉而斜叉普通高位橫身開叉位
Apply for Which System and Where for Application 應用於什麼系統和位置
紅垌就會使用在去水系統當中啦, 去水系統是包括, Waste Water廢水, Soil Water 污水, Soil and Waste Water污廢水, Rainwater雨水 (Gravity), Condensate Water 倒汗水, Vent Pipe氣喉, 另外就係Sphonic Rainwater虹吸的雨水系統, 應用的位置就會係室內, 室內就包括管井, 高位, Sunken, 如果係住宅的Sunken就會用膠喉的, 停車場, 平台, 商場, 公眾位置等等, 不過就係室內的, 因為防火的關系, 如果用膠喉如果係室內又經過防火的Compartment就要加Fire Collar, 如果紅垌就唔使, 只需係套通放防火棉唧防火膠, 講到尾就係錢的問題, Fire Collar會貴, 室外可唔可以使用紅垌, 不過通常會用膠喉, 都係錢問題, 膠喉平過紅垌, 如果可以使用就當然使用膠喉, 另一個因素都會影響, 就係嘈音, 如果係室內裝膠喉, 會聽到水流聲音, 紅垌會好好多, 室外就不理啦, 但係如果係室外由好高位置的企身喉, 下落到最底, 都係用鐵喉的, 因為沖擊力勁呀
為什麼使用紅垌 Why Use Epoxy Cast Iron Pipe and Fittings
點解要使用紅垌, 第1就係剛剛講防火問題, 第2就係水流聲的問題, 第3就係容易安裝, 容易維修, 因為紅垌或配件的接駁只需使用一個不銹鋼Coupling, 裡面有Gasket加螺絲上e緊迫死就可以, 唔使好似生鐵喉要戡鉛, 或者膠喉使用膠水, 如果喉塞要通渠就鬆開螺絲拆開Coupling把全個配件拆開就可以通渠, 第3就係喉身堅固, 如果係停車場, 你會見到紅垌的企身喉而唔係白膠喉, 因為都會考慮車會撞到企身喉, 第4就係防火功能, 紅垌溶點高達1000度, 經火燒後都仲可以使用
接駁方法 Method for Connection
紅垌的接駁系靠不銹鋼紅垌令, 裡面有膠墊, 不銹鋼紅垌令會有幾款, 有單螺絲, 有雙螺絲, 有多螺絲, 通常DN100mm或以下就單螺絲, DN150mm-DN200mm雙螺絲, DN250或以上就多螺絲, 另外就係如果水壓較大的位置就要使用加緊箍, 例如高層住宅企身去水喉最底的位置, 唔加就會可能有水舞間, 最後就係Sphonic Rainwater虹吸的雨水系統, 係D接駁位會再加便鐵用螺絲, 再加固, 因為虹吸的雨水係會成條喉係充滿行Full Bore, 再加固就係防止水舞間
特別事項 Special Issue
有2個有關紅垌喉的特別事項, 第1就係氣喉最細直徑要有DN80mm, 俗稱要2寸啦, 但係紅垌的3寸只係得75mm, 所以如果見到圖紙寫住DN80mm氣喉, 而又用紅垌, 甘就可以出個RFI問系咪要放大到DN100mm, 第2就係使用紅垌, 唔係話用就用, 你要成份渠則俾則入的同時, 再有份BA16的Form做括免, 內容係我會使用紅垌喉及配件係Aboveground的去水喉, 對應返Building Regulation第29條, 去水配件係要有生口作通渠, 但係紅垌係可以拆得出來做維修的, 另外紅垌係Cast Iron生鑄鐵喉的一種
沒有留言:
發佈留言