如何設計食水供水喉尺寸 How to Size Fresh Water Pipe

食水供水喉尺寸對用水效果很重要, 如果供水喉尺寸唔適合, 一下大左或細左, 會影響用水的效果, 我會3種方法介紹係6個應用的地方, 如果識得用係呢5個的地方, 基本上所有地方都會知道設計, 好有用, 唔止做工程可以用, 讀緊書要做Project的你都有用

第1個方法係住宅單位供水喉尺寸, 呢個方法係定入單位的總喉的尺寸, 以及其餘的分佈的尺寸, 冷熱水喉的尺寸, 差唔多95%都會用銅喉, 呢條單位供水喉也是水錶排骨位條喉的尺寸, 1個廁所+1個廚房, 就俾條22mm(6分)的銅喉由頭到尾都係22mm, 2個廁所+1個廚房, 就俾條28mm(1寸)的銅喉, 全部入廚房或廁所就22mm喉, 28mm喉俾完廚房及1個廁所就轉22mm, 3個廁所+1個廚房, 就俾條35mm(寸2)的銅喉, 全部入廚房或廁所就22mm喉, 35mm喉俾完廚房及1個廁所就轉28mm喉, 28mm喉俾多1個廁所就22mm, 千奇就唔好有15mm(4分), 咁樣供水係比較穩定, 有時沖沖下涼有另外1個人去開洗手盤水龍頭, 花洒就會突然水細左, 就喉水喉細左的原因

第2個方法就系睇件數去定食水供水喉的尺寸, 呢個方式首先適合1個的公眾廁所的總食水喉或者裡面的分支連所有潔具的尺寸, 如果2個的公眾廁所呢? 通常男廁系度, 女廁及殘廁會係隔離, 即係3個廁所, 咁總喉就要用另1個方法, 等陣先講, 以家1個公眾廁所, 例如裡面有8個面盆, 分開左兩邊, 每邊4個面盆, 我睇返尺寸表, 22mm俾到3個面盆, 28mm俾到6個, 35mm俾到10個, 如啦咁尺寸點安排? 通常1條主CWP喉分開2條CWP俾兩邊的面盆, 主的CWP俾兩邊, 睇返尺寸表第2行, 10個水龍頭就係35mm, 而2條CWP俾兩邊的面盆, 每邊4個面盆, 睇返尺寸表6個面盆就28mm, 那個2條CWP就係28mm, 4個面盆俾28mm, 俾完1個面盆可以轉22mm俾3個面盆

第3個方法用係的地方有, 第1個住宅每層的主CWP, 即系例如每一層6個單位的, 主CWP係幾大, 剛剛講第1個住宅每層的主CWP, 第2個就係以個Zone的計算, 例如住宅1/F去到10樓係1個Zone, 第3個就係以個天台使用加壓泵泵最上個4,5層單位, 第5個就係以個公眾廁所有幾個的, 第5個就係個成座樓宇的總入水喉, 第6個就係以個成個項目的總入水喉, 例如項目有5支樓的, 都會使用呢個方法, 呢個方法就係睇返潔具的數量對應返Loading Unit搵到總Loading Unit用Loading Unit表或者使用方程式loading Unit Power0.73/23, 就可以搵到個流量Flow, 單位係L/S, 有左Flow就可以使用IPO Pipe Sizing Chart搵返CWP的尺寸, 以家我示範1次計由即每一層6個單位的主CWP, 及例如住宅1/F去到10樓係1個Zone, 知道左呢2種的計算, 基本上都知道其餘係點玩法, 好每層6個單位的, 1個單位1個廁所浴室以及1個廚房, 會有1個面盆, 1個花洒係廁所浴室, 1個星盆係廚房, 仲有無其他? 仲要洗衣服, 要俾洗衣機, 所以仲有1個龍頭俾洗衣機, 如果高級的樓宇, 仲要考慮多1個浴缸以及洗碗碟機, 不過我以家不考慮, 因為窮呀, 好知道所有的用水設備, 就找一找各個潔具設備的Loading Unit, 睇返IOP Table15個表, 左手邊係潔具設備的種類, 右手邊係分左3種的Loading Unit, 分低用量Low Frequency, 中用量Med Frequency以及高用量High Frequency, 選擇低用量係人每一次使用潔具設備相距1200秒, 即系20分鐘, 適合應用係住宅, 中用量就相距600秒, 即系10分鐘, 適合應用係公眾用途, 例如公共廁所, 而高用量就相距300秒, 即系5分鐘, 適合大量使用, 例如演唱會場地, 電影院及大球場, 以家我地住宅係使用低用量Low Frequency, 面盆的Loading Unit係1, 花洒係3, 星盤係2, 洗衣機係2, 但係實際的操作我地會提高小小個Loading Unit, 面盆的係1.5, 花洒係3, 星盤係3, 洗衣機係3, 好6個單位即係每個潔具設備X6, 即系(6X1.5) + (6X3) + (6X3) + (6X3), = 9 + 18 + 18 + 18, = 63, 63 Power 0.73 / 23 = 0.9, 0.9就係流量L/S, 有左 0.9L/S可以使用IOP Pipe Sizing Chart, 係應用係銅喉的, 係個Chart左手邊係流量, 流量打斜上去的斜線係喉的尺寸, 相反的斜線係水的流速, 我地係流量0.9個度畫條橫線, 睇返撞到喉尺寸的斜線, 嘩會撞到67mm, 54mm, 42mm, 35mm, 28mm, 22mm, 咁點呀, 呢個時候就要睇個流速, 如果你使用54 mm喉的, 個流速太慢了, 得0.5m/s,  如果選擇54 mm喉, 係Over Design, 42mm都係, 我地要使用1-1.5m/s的流速係最適合, 如果係甘35mm係最適合, 咁28mm得唔得? 唔得, 如果使用28mm, 流速差不多1.6m/s, 超過射程範圍, 超過1.5m/s的, 銅喉有機會地震以及有噪音, 最後一層6個單位的, 總喉就係35mm, 即係6水錶位個條排骨係35mm, 其餘單位係幾大? 就係第1個方法, 1個廁所浴室及1個廚房使用22mm, 到最後計1個zone係點樣玩法, 1/F-10/F由上至下Gravity供水, 我會咁樣做, 計左Total10層的流量先, 之前1層Total Loading Unit係63, 10層就630, 630 Power 0.73 / 23 = 4.8L/S, 睇返表就要用67mm, 行緊1.4m/s的流速, 最上10樓就係使用67mm一條企身Gravity一路落, 落到6樓, 每層Tee一條35mm的食水喉俾每1層, 俾完6樓就轉54mm就俾5/F以及4/F, 54mm俾完4樓就轉42mm就俾3/F, 54mm俾完3樓就轉35mm就俾2/F及1/F, 呢個係每幾層幾層計, 就應用在每1 Zone計

最後2點的要點, 第1個係1般使用1-1.5m/s的流速係最好, 但都可以考慮使用到2m/s,即係1.5m/s-2m/s, 但呢D喉要係無噪音的要求的地方, 例如Pipeduct或者機房, 第2個係我地見到IOP Pipe Sizing Chart係銅喉, 如果計到樓的總入喉或者項目的總入喉, 就要使用Ductile Iron Pipe的IOP Pipe Sizing Chart, 如果估計條喉係80mm或以上

不同種類樓宇的水缸 Different Type of Water Tank in Different Building

水缸的資料, 我會分點計容量係唔同種類的樓宇, 點計水缸的Effective Height及講一些水缸的要求, 以下是8個例子

第1個係住宅的食水缸Potable Water Tank, 如果係使用Sump and Pump System就會係頭10個單位係135L, 其餘的單位係90升, 假設我有100個住宅單位, 頭10個單位係135L, 即係1350L, 剩餘90個單位係90L, 即是8100升, 甘呢100個住宅單位總容量就係1350+8100=9450L, 呢個係食水的總容量, 因為分上地底缸及天台缸, 佢地水缸的比例係1:3, 地底缸係1而天台缸係3, 咁即係地底缸的容量係9450X0.25=2362.5L而天台缸就係9450X0.75=7087.5L, 甘你就唔好容量, 比人小死, 最後地底缸的容量係2400L而天台缸係7100L

第2個住宅沖廁水缸容量係點計, 都係使用Sump and Pump System分上下缸, 先要知道個總容量, 甘就要知道成座樓有幾多個座廁, 住宅應該無尿兜啦, 100個單位, 每個單位一個廁所即係100個座廁, 以前每個座廁就要45L, 現在30L就可以, 甘總容量就係100X30=3000L, 上下缸都係跟食水缸1:3的比例

第3個係寫字樓, 戲院的食水缸, 甘就要睇潔具的數量再X返每個潔具45L, 寫字樓通常就有個公眾廁所分男廁女廁殘廁, 可能每個Office有廁所有茶水間, 即係要知道所有面盆跟星盤的數量, 假設20層高的寫字樓每層12個面盆, 跟3個星盤, 甘Total潔具的數量係(12X20)+(3X20)=300Nos., 300X45=13500L, 13500L係總容量, 如果係用Booster Pump的, 甘就一個食水缸係地下泵房, 如果都係使用Sump and Pump System, 都係一樣, 上下缸都係跟食水缸1:3的比例, 戲院Case跟寫字樓一樣, 每個潔具45L

第4個係商業的沖廁水缸, 商業就包括酒店, 寫字樓, 應該係除左住宅其餘的都係使用每個座廁40L, 每個尿兜係30L去來計, 甘即係總潔具數量X30L係尿兜, 40L係坐廁, 水缸如果Sump and Pump System都係1:3的比例, Booster的就係總容量

第5個係酒店的食水缸, 要計酒店的食水缸, 我地要知道有幾多間單人房以及幾多間雙人房, 單人房的, 就每間45L, 而雙人房就每間70L, 假設有50間單人房, 50間雙人房, 水缸總容量係(50X45)+(50X70)=5750L, 水缸如果Sump and Pump System都係1:3的比例, Booster的就係總容量

第6係洗地水水缸Cleansing Water Tank, 洗地水係用係廁所的清潔房, 裡面有個Mop Sink, 仲有就係停車場會有好多洗地龍頭, 每個水龍頭係45L, 假設我有10個Mop Sink, 15個洗地龍頭, 洗地水水缸的總容量係(10X45)+(15X45)=1125L

第7係淋花水缸Irrigation Water Tank, 淋花水係使用在花糟Planter的灌溉上面, 甘就包括同洗地水龍頭一樣的, 不過淋花我地會叫做淋花龍頭, r跟住就係淋花花洒Sprinkler Head, 就係草地上面有新舊黑色的物體突然升上來噴水, 仲有就係滴水喉Dripper Pipe, 每一個都係當45L來計, 假設有10個淋花水龍頭10個, 淋花Sprinkler Head個, Dripper Pipe 2Sets, 個總容量係(10x45)+(5x45)+2(2x45)=765L

第8係餐飲F&B的食水缸, 一個商場會有好多間餐廳, 甘呢個水缸係包括所有的餐廳, 我地唔會每間餐廳獨立分水缸, 我地會分獨立水錶俾每間餐廳計水費, 而一個總的食水缸供所有餐廳, 甘就水缸出水經水泵到每個獨立水錶再供水俾每間的餐廳, 而入到每間的餐廳, 都會有3種唔同的水缸俾唔同的用水點, 有第2(A)類, 第2(B) 類以及第3類, 好啦, 要計F&B的食水缸總容量有3點要知, 就係每個座位25L, 如果係實用面積的Net Area, 就0.929m2/1個人, 如果係建築面積的Gross Area, 就1.394m2/1個人, 好我假設有4間餐廳總建築面積300m2, 甘300/1.394間餐廳就可以有215個座位, 甘個總容量係215X25=5357L

第9係學校的食水缸, 學校的食水缸通常供水俾洗手間, 荼水間, 或者實驗室, 要計呢個食水缸我地要知道2樣野, 就係學生以及教職員數量, 和實驗室星盆的數量, 我地會以每個人4.5L, 而每個實驗室星盆4.5L來計, 假設間學校師生總共300人, 而實驗室星盆就有10個, 甘個總容量就係(300X4.5)+(10X4.5)=1395L

一些排水的正確方法 Some Correct Methods for Drainage

排水的正確方法, 資料都係系網搜尋及一些地盤的經驗, 大概就系一些排水喉接駁的方法, 我會講下不正確的例子及正確的例子, 我覺得都幾有用的

第1個例子就係高位掛天花的橫身排水管, 去到尾一係轉個曲落下一層或者接駁主排水Down Pipe, 現在就係講後者接駁主排水Down Pipe, 見到呢個幾好啦又45度曲, 又45度斜叉, 一睇就知順水, 其實呢個係不正確的, 就係因為太順水, 水會直接流到Down Pipe的對面位置, 咁樣會影響梳氣的流通, 形成真空狀態, 形成負壓, 一般排水流走就係正壓, 如果係虹吸雨水系統, 即係吸走的, 就係負壓, 係現在這個情況, 如果係隔氣係附近, 咁就有機會抽干隔氣裡面的水封, 繼而臭氣就會係排水口流入, 如果實際用斜叉, 而條企身Down Pipe係管井, 那個配件好大機會會蝕入牆身, 這是不建議的, 因為如果需要更換配件, 就要下下打鑿先可以換到個配件, 另外就係條排水喉係斜入過牆身, 咁個套通就唔知點安裝, 唔通斜裝咩

第2個例子就係正確的做法, 建議安裝一個88度的正叉去代替個斜叉, 咁樣氣就可以有空間梳到氣, 排水就會正常, 無左配件就唔會蝕入牆身, 套通都唔會打斜裝

第3個例子就係當直身的去喉接駁到橫身的喉, 橫身的喉就會駁一個叉, 或者刁叉, 係呢個情況如果你接駁一個正叉的, 這就唔係太好, 因為當直身喉的水會直接沖落正叉的底部, 水就會淺開兩邊會做成倒流, 首先就唔係順水啦, 而且影響排水的正常運作, 日積越累, 就會堵塞喉管

第4個例子就係正確的做法, 係直身的去喉接駁橫身喉, 橫身喉開叉位, 建議使用斜叉, 那就可以解決水會淺開兩邊做成倒留的問題, 其實唔止直身的去喉, 那些一排潔具係近外牆, 例如坐廁高咀一出會下安裝一個曲向下, 之後一條仔接駁橫身的喉, 都係比較適合安裝斜叉

第5個例子就係講去水喉的斜水, 如果去水喉管徑過細, 無斜水, 或者倒斜的, 污水及排泄物會停留及漂留係去水管裡面, 如果去水喉的斜度太斜或者管徑過大, 污水會排走, 但係排泄物會停留係去水管裡面, 如果去水喉的管徑適中, 對應相對的斜水比例, 就會污水及排泄物都可以排走

第6個例子就係講講习士Reducer的安裝, 供水的习士越习越細, 而排水的刁士越习越大, 供水的就會使用直刁, 而去水喉人會用斜刁, 呢度睇到斜刁細喉方面就係底的位置, 咁幾好啦, 又順水, 其實唔係咁正確, 因為會增加堵塞細喉的風險, 正確的安裝方法係細喉的位置係安裝在上面, 咁樣先唔會堵塞細喉

第6個例子就係一條橫身的去水喉, 行到某個位置, 突然要Drop低, 因為可能要避開其他喉, 或者避陣等等, 咁咪一個90度曲向下, 加一條直身短仔, 再加一90度曲向橫, 咁樣的配置唔係幾好, 會容易堵塞, 比較好的方法系使用兩個45度曲去減低堵塞的風險,

分享排水隔氣水封(Deep Seal)破壞/損失的原因 The Reasons of Damage or loss for Drainage Trap

隔氣裡面有水, 即係Deep Seal水封, 會抽干的原因, 隔氣裡面有Deep Seal水封抽干左或者部分抽干會點呀, 臭氣或者病毒就會經去水位傳出, 根據建築條例, 所有廢水的裝置都要有隔氣, 廢水的裝置與隔氣的距離唔可以超過1m的, 水封Deep Seal水封個深度最少有40mm, 但係廢水喉Waste Pipe會接駁到污水喉Soil Pipe的, Deep Seal水封個深度最少有80mm, 所以唔理啦, Deep Seal全部最少有80mm, 因為廢水喉9成9都會駁污水喉, 而且市面上的隔氣多數會係80mm Deep Seal, 

隔氣有唔同種類, 唔同的物料, 唔同的應用地方, 例如P型, S型, W型, 物料就膠PVC, 紅垌, 銅都會有, 詳情可以留意我呢１段片for唔同種類的隔氣, 

去水系統因為水的流動, 空氣的壓力都會隨之而變化, 當壓力值超過某一個限值, 會影響個水封, 水封就會破壞, 當水封的水低過彎管內的最高位, 空氣就可由自在流通, 另外如果正壓太大, 水都會係隔氣噴出, 呢個情況都會係Deep Seal水封破壞, 導致Deep Seal水封破壞的原因除了負壓的抽以及正壓的噴, 仲有虹吸, 毛細管作用, 蒸發作用, 一旦水封破壞, 臭氣就會傳出, 病毒就會傳播, 例如沙士SARS, 以下就有5個原因引至水封破壞

 第1個負壓抽吸作用, 呢度係度講緊, 如果企身的去水喉排水量過大個陣時, 係短時間內形成局部的真空, 隔氣裡面的水封就會被負壓吸走, Deep Seal水封就會破壞, 當排完水, 隔氣裡面的水封實際的高度就會低過應有的高度

第2個正壓嘖濺作用, 當排水企身喉最底部分流速好大, 而且裡面的壓力大過大氣壓, 隔氣裡面的水封受壓會向上噴, 噴完之後, 正壓消失, 上升的水流向下, 由於慣性力的作用, 部份的水會排走, Deep Seal水封的高度就會降低

第3係自虹吸作用, 如果使用S型的隔氣係洗手盤度, 當你個洗手盤裝滿水, 但當要排水的時候, 由於S型的隔氣會充滿水係裡面, 係呢個情況下, 會引起虹吸作用, 隔氣的水封就會破壞了, 係美國S型的隔氣係禁止使用, 係香港都無咩點見到, 通常都P型, 洗手盤的就使用Bottle Trap樽隔

第4係蒸發作用, 係洗手盤或地台去水的隔氣一入一出都會跟空氣接觸, 裡面Deep Seal水封的水跟空氣接觸水面就會蒸發, 隔氣流入的位置會比流出的位置蒸發會多一些, 因為流出的位置會接駁去水喉, 所以較為潮濕, 根據測試, 如果有冷氣的地方, 每日會蒸發0.7mm, 如果無冷氣的地方, 就會蒸發少一些, 大概02mm至0.7mm

第5係毛細管作用, 你都知沖涼花洒去水幾多頭髮塞住, 如果有頭髮入左係隔氣裡面, 係毛細管作用下, Deep Seal水封就會破壞, Deep Seal水封的破壞都會睇返隔氣係咩種類, 去水喉尺寸, 線頭種類, 數量, 附著的形式都有關係, 根據日本有關的測試, 1個線頭係14個鐘後, 3個線頭係6個鐘後, 隔氣的Deep Seal水封就會破壞 

唔同類型的潔具以, Deep Seal水封破壞都有唔同的原因, 但係大多計數主要的原因會係負壓抽吸, 如果係低層單位的, 正壓嘖濺就會主要原因, 自虹吸就洗手盤居多, 而地台去水就會係蒸發及負壓抽吸

紅垌喉及配件Epoxy Cast Iron Pipe and Fittings

什麼是紅垌喉及配件 What is Epoxy Cast Iron Pipe and Fittings 

Epoxy Cast Iron Pipe and Fittings紅垌以及配件, 係香港, 係一種好常見的去水喉物料, Epoxy Cast Iron Pipe我地通常叫紅垌, 學術D的名就叫環氧樹脂塗層鑄鐵管, 紅垌喉其實係生鐵喉的一種, 不過紅垌外層以及內層會有環氧內塗層Epoxy Coating, 唔同牌子的紅垌有唔同的厚度, 厚度就用micron來量度, 最少都要有40micron, 之前見過Spec.就要求紅垌平均130micon, 紅垌配件就要求平均70micron, 有記錄話呢種環氧樹脂塗層鑄鐵管係1913年就已經係德國及歐洲等國家大量泛使用, 香港就以前就用生鐵喉, 我大概05年出道個時就己經使用紅垌啦, 如果要換以前的生鐵喉, 好多時都會換紅垌的, 呢個係紅垌的生產過程, 紅垌的標準就一定係BS EN877, 紅垌喉尺寸由DN40mm至600mm都有, 不過通常極限都係安裝到400mm, 大過400mm會用返生鐵喉BS 4622或者Ductile Iron Pipe BS EN 598, 配件就有唔同角度的曲, 大彎邊, 大彎邊,會使用在高層住宅企身去水喉最底的位置, 斜叉及正叉, 正叉使用在氣喉而斜叉普通高位橫身開叉位

簡單了解水泵Pump Curve

什麽是Pump Curve水泵曲線圖？當我知道或計算好水泵個Pump Head揚程及流量Flow, 我就要用Pump Curve用來判斷睇下呢個泵是否符合需求, 係買泵之前, 一定要上水泵的所有數據, 包括泵Curve俾上家審批, 係睇Pump Curve之前, 我會先選擇好水泵, 咁我當然要知兩個數, 泵Head及流量, 我無呢兩個數我行唔到第一步, 泵Head係Static Head + Friction Loss+ Working Pressure, Static Head係由水泵出水泵到去出水位的高度, Friction Loss係喉管及配件的阻力, Working Pressure係最後出水的壓力，假設係上水泵到上水缸, 起碼俾返10m至15m的壓力, Pump Curve會用m做單位, 10m就等於1個bar, 而流量係我用Loading計好所有潔具得出來的，係Pump Curve會用m3/h, 但係其他的標示就會用l/s居多, m3/h轉返l/s就乘1000除3600, 好啦, 當我有泵Head及流量, 你要先選擇好水泵供應商，要睇佢個Tombstone Chart用來選擇好水泵的型號，Tombstone係解墓碑, 你睇個Chat似唔似，知道佢個型號再拿牠的Pump Curve圖來睇，咁我以家睇到呢個Pump Curve圖, 左手邊打直Y軸就係Pump Head, 而下面打横Z軸就係流量來的，條Pump Curve係黎的? 佢係生産商經過測試個水泵, 簡單講, 水泵泵Head及水泵流量是反比, 流量越大, Pump Head揚程就會越低, Pump Head越來走越高, 流量就越來越細, 如果泵泵到去最高點，流量就係0的, Pump Curve條曲線就係生產商測試水泵而得出來的, 普遍有5種的Pump Curve, 有Steep, 就係斜的, 有Steady Rising, 好稳步上升, 有Flat好平坩的, 有Unstable唔稳定的, 仲有都係唔稳定Unstable (Saddle-shape) 馬鞍型的, 而Steep及Steady Rising係比較好的Pump Curve, Unstable的泵Curve最好唔好選擇 現在我選擇好水泵, 圖1就係廠商提供的一個Pump Curve水泵性能曲線圖, 分別會有4條Curve係4個表, 第一個係水泵的Pump Curve, 左邊Y軸係Pump Head, 單位係m, 而下低Z軸係水泵的流量, 單位係m3/h, 咁呢條泵Curve的Curve型係一條Steep的泵Curve, 好啦, 我當設計泵Head係80m Head, 而Flow就係150m3/h, 咁我就畫條橫線撞返落去條Pump Curve度, 係呢1點再垂直畫條直線撞落去第4個表度, 係Pump Curve呢點就係Operating Point, 咁水泵運行個數就係80m泵, 而流量就可以做到155m3/h, 第2個表你就會睇到水泵的Power就會係45Kw, 係第3個表而水泵的Efficiency效能就係70%左右, 最後第4個表你就會知道個NPSH Net Positive Suction Head係2.5m, 好基本咁睇就係咁睇個泵Curve, 係條泵Curve你唔會選擇兩邊做Operating Point, 如果你係110m Head及30m3/h, 無錯係可以運作到的, 但係個效能會好低, 如果我選擇65m Head以及195 m3/h, 用電量就會好高以及Net Positive Suction Head都會高啦, 所以我地都會選擇中間位置作為Operating Point, 所以除左水泵的物料我地要知道, Pump Curve的數據我都會重視, 因為顧問係個水泵的Technical Spec.都會有呢D要求, 例如Efficiency唔可以低過70%, NPSH唔可以超過4等等, 所以泵Curve就係用黎睇下呢個水泵附唔附合我地的要求

10個係地盤會聽到的英文術語 10 Nos. of Terminology for Construction Site

第1系Submission, 所有系做所有工序, 安裝, 測試前都要做Submission,  最主要的Submission會有物料的Submission, 圖紙的Submission, 物料樣板的Submission, Material Submission根據tender有一系例牌子俾你選擇, 你選一個你想安邊隻牌字的物料俾Consultant, client, architect批, 呢份Material submission就會夾住Cover letter, Cover letter就有物料的基本資料, 跟住裡面有Catalogue, 相關的測試証書, Job Reference等等, 以前印一份, 都幾十張白紙, 真系死好樹, 批左物料啦, 就要上Sample俾人批, 另外圖紙就要畫安裝的路線(如安裝水喉), 俾人批, 圖紙物料樣板批左先可以現場安裝(照正路), 其實做呢堆Submission野可以話系做緊Quality Assurance (QA)的簡單黎講QA系做之前的品質監管, 而QC, Quality Control系事後的品質監管,

第2系Request of information RFI, 當你系工程當 無論系初期, 中期, 未期, 預到工程問題例如有關設計, 物料, 唔足夠headroom做安裝, 都可以出Request of Information RFI俾則師, Consultant, client睇下有咩方法解決, 甘當然你唔系夾都無夾過就要出RFI話唔足夠Headroom, 實俾人小炳,

第3系AI Architectural Instruction, AI, 唔系人工智能, 系則師指令, 簡單d講有Architectural instruction就會有錢收, 例如出左RFI問野, 答返黎真系有野加改, 咁就出張Request  Architectural Instruction的Form去Cover張RFI, 出到張Architectural Instruction AI先會有錢收,

第4系NCR Non Conformance Report, 系地盤呀Sir成日話出NCR俾你嚇9你, NCR系不合格報告, 簡單D講, 你送喉料來, D喉料有損壞, 咁就可以出NCR俾判頭, 判頭就要答返個NCR的補救方法同預防措施, 出NCR的目的系如果判頭唔去處理果d不合格的地方, 業主有權利扣起判頭的錢, 另外將D錢搵第2個判頭搞掂佢,

第5系Critical Path, 系地盤開會d經理成日警告我地咪能過我條Critical Path, Critical Path系關鍵路徑, 系係個Project的programme的一個指標, 如果你做的工序遲關鍵路徑, 成個項目的完工時間就會延遲

第6係Nominated Subcontractor同Domestic Subcontractor, 係一個地盤項目會分Nominated Subcontractor簡稱NSC同Domestic Subcontractor簡稱DSC, 個分別就DSC係大判Main Contractor直接判同under大判, 系報標果陣時系報俾大判, 大判mark up上去, 去做submission, 二判DSC要俾資料大判submit俾大判, 大判用 佢牌頭上俾顧問同業主批, 出糧都系業主先俾錢大判, 大判再俾二判DSC, 而NSC係業主指定左個Contractor, 第大判出左世之後就同NSC簽約, 牌頭上做submission會有Nominated Subcontractor個名, 可submit俾顧問同業主批, 通常住宅項目就會搵DSC, 而大型項目例如賭場, 機場, 樂園, 就會搵NSC, 另外就系Specialist如BMS都會搵NSC, 睇過D資料話NCS話會幫多D項目Design野系Development Stage, 我做過NCS有問題又系咪都出RFI問顧問點解決, 我又系DSC幫顧問畫好圖, 計好數, 所以我覺得唔系絕對

第7系Soffit, 系地盤夾位 , 咁就夾高位的喉, 通常聽到喂我條喉soffit落300就系我條喉中, 咁Soffit系邊個位置呢, 咁就系呢個位, 一塊地台落完石屎拆板, 咁就會見地台的底, 咁呢一塊面就系soffit啦, 隔離低左一浸, 咁呢塊唔系Soffit, 系陣底

 第8系O-chart, O-chart系Organization Chart組織圖, O-chart系用來顯示一間公司系項目的組織結構, 你會知道唔同人系呢個項目的角色, 講得通俗D就系食物鏈, 無錯我通常都系食物鏈的最低層, 另外唔系求其寫個人名系個O-chart好多時仲要俾CV業主批

第9系Spec., Spec.,是Specification, Spec.係呢單工程的要求, 會分General Spec.G.S.同Particular Spec. P.S., General Spec.系ASD建築處的Spec.而Particular Spec.系顧問就呢單工程出的Spec., , 例如水喉Spec.就會講Scope of Work有咩工程內容, 你又要睇到物料有咩Standard, 測試, 好多要判頭要包同唔包的野都會係Particular Spec.會見到

第10係RIN, RIN系Request of Inspection, 當你完成左個安裝, 咁你會搵Inspector去做驗收, 睇左收左貨先可以下一個工序, 例如牆身藏喉, 做完喉你就要入RIN Form就寫Visual Inspection, 咁張Form要夾批左的圖紙, 睇完無問題就入另一張RIN Form, RIN Form就寫Hydraulic Test,  咁就系試壓, 咁張Form要夾批左的測試方法, 試完無漏先可以牆身批盪